Það hefurverið mikið líf í Laugardalnum í vikunni. Þar hafa ekki bara farið íþróttamenn og sjálfboðaliðar Smáþjóðaleikanna. ÍSÍ hefur samhliða leikunum haldið Ólympíudaga í dalnum. Fjöldi nemenda úr skólum víðs vegar að hafa fengið kynningu á nokkrum íþróttagreinum.
Frjálsum hafa verið gerð mjög góð skil. Má það þakka sérstaklega Ármanns þjálfurunum Stefáni Guðjónssyni og Rut Sigurjónsdóttur sem ásamt sjálfboðaliðum ÍSÍ hafa boðið upp á vel heppnaða og vinsæla kynningu á Kastvellinum í Laugardal.
Að ofan: Stefán Guðjónsson og Rut Sigurjónsdóttir ásamt sjálfboðaliðum ÍSÍ
Alda Særós og fleiri nemendur Laugalækjarskóla munda spjótin
Nemendur Laugalækjarskóla að ofan og neðan. Á neðri myndinni ásamt Rut Sigurjónsdóttur.
Mikill fjöldi fólks leggur á sig mikið sjálfboðastarf í tengslum við Smáþjóðaleikana í Laugardalnum þessa vikuna. Einn af fjölmörgum er Gunnlaugur Júlíusson ofurhlaupari með meiru. Gunnlaugur á heiður að langflestum myndum á myndasíðu frjálsíþróttadeildar Ármanns.
Í gær stóð Gunnlaugur vaktina sem fyrr. Myndir hans frá fyrsta degi mótsins má nú sjá í myndaalbúmi hér.
Ásdís Hjálmsdóttir var að tryggja sér sigur á Smáþjóðaleikunum í Laugardalnum með 58.85m kasti, rétt við Smáþjóðaleikametið, sem Ásdís á sjálf. María Rún Gunnlaugsdóttir varð þriðja. Keppnin fór fram í stífum vindi í Laugardalnum í dag.
Ármenningurinn Helgi Sveinsson, heims og Evrópumeistari í spjótkasti karli í flokki F42/T42, mun keppa á JJ-móti Ármanns í dag. Helgi gerði góða atlögu að heims- og Evrópumeti í sínum flokki á Vormóti HSK á Selfossi síðastliðinn laugardag, þar sem hann kastaði spjótinu 52,69m, eða aðeins 5cm frá Evrópumetinu og 10cm frá heimsmetinu. Helgi virðist því ná góðum takti við þjálfarann öfluga Einar Vilhjálmsson, formann FRÍ.
Keppni á mótinu hefst klukkan 18:00, keppni í spjótkasti karla hefst klukkan 19:00.
Ágætis skráning er á mótið, yfir 80 keppendur alls. Auk keppni í spjótkasti má benda sérstaklega að landslið Íslands í 4*100m boðhlaupi mun keppa á mótinu og þannig æfa sig fyrir keppni á Smáþjóðaleikum. Í 100m hlaupi kvenna er ÍR-ingurinn Hrafnhild Eir Hermóðsdóttir Íslandsmethafi í 60m hlaupi skráð til leiks og líkleg til sigurs. Í 400m hlaupi kvenna hlaupa m.a. tvær feikn efnilegar FH stúlkur, Arna Stefanía Guðmundsdóttir og Þórdís Eva Steinsdóttir. Í 100m hlaupi karla etja kappi helstu spretthlauparar landsins og ljóst að verður hörð barátta þar keppa m.a. Kolbeinn Höður Gunnarsson UFA, Ari Bragi Konráðsson trompetleikari og spretthlaupari úr FH, ásamt félaga sínum Juan Ramon Borges FH og ÍR ingarnir Ívar Kristinn Jasonarson og Einar Daði Lárusson, svo fáeinir séu nefndir. Frekari upplýsingar um greinar og keppendur má sjá að neðan og í mótakerfi FRÍ á thor.fri.is.
Það er ekki á hverjum degi sem möguleikar eru á heimsmeti í Laugardalnum. Nú er bara að fjölmenna í Laugardalinn til að hvetja keppendur áfram og auka þannig líkurnar á góðum afrekum í öllum greinum.
Nú hefur verið boðað til móts sem nefnist Meistaramót Öldunga. Nafnið hefur ekki náð að heilla fjöldann til þátttöku til þessa, lítil von er til þess að það breytist. Kann að vera að Kempumót Íslands sé betra? Eða bara Kempumótið? Hvað sem nafngift líður þá er mótið bráð skemmtilegt. Þar etja kappi í frjálsíþróttum fullorðnir íþróttamenn í aldursflokkum, karlar 35 ára og eldri, konur 30 ára og eldri.
Að þessu sinni er það FH sem býður kempum landsins að koma og keppa í Hafnarfirði 23. og 24. maí. Sjá allar frekari upplýsingar í útsendu boðsbréfi hér.
Fyrir áhugasama má skoða úrslit frá móti vetrarins hér og myndir á heimasíðu Ármanns hér.
Í næstu viku, þriðjudaginn 19. maí, fer Reykjavíkurmót 10 ára fram í Laugardalshöllinni, yfirstjórn móts í höndum Ármenninga. Mótið hefst klukkan 16:30 en mæting skal vera 30 mínútum fyrir mót, eða klukkan 16:00, og eru áætluð mótslok klukkan 18:00.
Fyrirkomulag keppninnar
Mótið verður í fjölþrautarformi og boðið verður uppá tvo aldursflokka, 8 ára og yngri og 9 til 10 ára. Allir þátttakendur fá verðlaun. Í hverju liði mega vera að hámarki 8 keppendur og skal vera liðsstjóri með hverju liði, foreldri eða þjálfari frá viðkomandi félagi sem sér um að skrá niður árangur í hverri þraut. Mæting er í anddyri A og B þar sem liðin finna sinn stað með sínum liðsstjóra. Þar fær liðsstjóri bækling í hendurnar með upplýsingum um þær þrautir sem farið verður í gegnum og á hvaða stöð hvert lið hefur keppni. Þegar liðsstjóri fær merki um að ganga inn í höllina þá leiðir hann sinn hóp á fyrstu stöð.
Skráning
Hvert félag sér um skráningu hjá sínum keppendum og raðar þeim upp í lið. Mótshaldarar áskilja sér rétt til að sameina fámenna hópa ef á þarf að halda.
Liðin finna sitt félag í flipum neðst í skjölunum, skráning í meðfylgjandi skjölum :
Til þess að undirbúningur mótsins gangi sem best verða félög að senda sína skráningu áður en skráningarfrestur rennur út 15. maí. Auk liðsstjóra með hverjum hópi er gert ráð fyrir að hvert þátttökufélag útvegi jafn marga greinastjóra.
Gert er ráð fyrir að foreldrar séu staðsettir utankeppnissvæðis á meðan keppni fyrir fram.
Í næstu viku fer fram í Laugardal JJ-mót Ármanns, samkvæmt mótaskrá FRÍ. Mótið er nokkuð litað af því að nú styttist í Smáþjóðaleika. Starfsmenn munu æfa sig við að nota nýjan tæknibúnað á mótinu. Kastvöllur er lokaður vegna framkvæmda og sleggjukast ekki í boði eins og undanfarin ár. Af sömu ástæðu mun keppni í stangarstökki fara fram í Laugardalshöll á fimmtudaginn.
Skráning er hafin í nýja mótaforritinu á http://thor.fri.is og verður opið til miðnættis mánudaginn 18. maí. Endanlegur tímaseðill verður birtur í mótaforriti þriðjudaginn 19. maí.
Þátttökugjald er 1.500 kr. fyrir hverja grein. Ætlast er til þess að hvert félag eða héraðssamband geri upp fyrir sitt fólk. Vinsamlegast tryggið að þátttökugjald sé lagt inn á reikning 301-26-1150, kt: 491283-0339, fyrir klukkan 16:00 þriðjudaginn 19. maí og að kvittun berist í tölvupósti á: gjaldkeri@frjalsar.is.
Sigurvegarar í hverri grein hljóta verðlaun.
Drög að tímaseðli fylgja að neðan:
Dagur 1
20. maí miðv.
Tími
Hlaup
Langstökk
Kúluvarp
Spjótkast
18:00
100 m konur
Karlar
Karlar
Konur
18:30
100 m karlar
19:00
800 m konur
Konur
Konur
Karlar
19:15
800 m karlar
19:30
4*100m karlar
19:40
400 m konur
19:55
400 m karlar
20:00
20:10
1500 m konur
20:25
1500 m karlar
Dagur 2
21. maí fim.
Tími
Stangarstökk
17:45
Konur
18:50
Karlar
Athugasemdum og fyrirspurnum svarar undirbúningsnefnd ef sent er á skraning@frjalsar.is
Vinsamlegast áframsendið á áhugasama, einnig má benda á Facebook viðburð mótsins hér.
Nú er mögulegt að skrá sig í Fjölgreinaskóla Ármanns og Þróttar í skráningarkerfi Ármanns hér.
Boðið er upp á faglegt tveggja vikna námskeið í útivistarparadís Reykjavíkur í Laugardalnum. Á námskeiðunum fá börnin að kynnast fjölmörgum íþróttagreinum í bland við leiki og vettvangsferðir. Mikil áhersla er lögð á hreyfingu á námskeiðinu og fara börnin fótgangandi sem víðast. Námskeiðið er fyrir börn fædd 2005-2009 og er allan daginn. Starfsmenn á námskeiðinu hafa breiðan bakgrunn úr ólíkum íþróttagreinum. Skipulögð dagskrá er á milli 9-12, svo er hádegismatur og frjáls leikur á milli 12-13, svo aftur skipulögð dagskrá á milli 13-16. Gæsla er í boði á milli 8-9 og 16-17 og er hún gjaldfrjáls. Verð á tveggja vikna námskeiði er 25.000 krónur og innifalinn er heitur hádegismatur. Veittur er 15% systkinaafsláttur af lægra gjaldi.
Námskeið 1: 22. júní – 3. júlí
Námskeið 2: 6. – 17. júlí
Námskeið 3: 4. ágúst – 7. ágúst (4 daga námskeið)
Námskeið 4: 10. – 21. ágúst
Það verður grænt og skemmtilegt hjá okkur á laugardaginn, 9. maí. Ármann heldur hlaupahátíð í Laugardal. Hátíðin hefst klukkan 10:00 þegar Fjölskylduhlaup Ármanns og grænmetisbænda verður ræst við Þvottalaugarnar.
Hlaupið er víðavangshlaup þar sem börn og fullorðnir hlaupa saman einn um 1,5km hring um gras og stíga Laugardalsins.Allir hlauparar fá grænmeti að launum frá grænmetisbændum og pylsur frá SS. Vinsamlegast skráið ykkur í hlaupið hér, ótrúlegt en satt þá kostar ekkert að taka þátt:http://tinyurl.com/skramig
