Færslur merktar ‘Viktor Orri’

Helgi Sveins og Trausti Þorsteins verðlaunaðir á afmæli Glímufélagsins Ármanns

Helgi Sveinsson var útnefndur frjálsíþróttamaður ársins 2015 og Trausti Þorsteins efnilegasti frjálsíþróttamaður Ármanns í afmælishófi Glímufélagsins Ármanns í gær sunnudag 13. des. Íþróttamaður ársins hjá félaginu var kjörinn Júlían J. K. Jóhannsson. Júlían varð á árinu heimsmeistari unglinga í kraftlyftingum. 

Afrekssjóður Ármanns styrkti einnig íþróttamenn sem hafa skarað framúr á árinu í keppni innan lands og enn frekar utan. Frjálsíþróttamennirnir Guðmundur Karl Úlfarsson, Viktor Orri Pétursson, Trausti Þorstein, Ásdís Hjálmsdóttir og Helgi Sveinsson hlutu öll styrk úr sjóðnum í gær. Nánar má lesa um úthlutunina og tilnefningar allra deilda á vef Glímufélagsins hér.

Afmæli Ármanns

Á myndinni að ofan má sjá Snorra Þorvaldsson formann Glímufélagsins Ármanns, Trausta Þór Þorsteins, Helga Sveinsson og Guðmund Karl Úlfarsson.

Millivegalengdarhlauparar Ármanns

Fólk út á götu vilja meina að þessi hópur sé sá hættulegasti á brautinni. Sjö svellkaldir 200-,400-,800- og 1500-metra hlauparar sem leggja allt á sig til þess að setja ný Íslandsmet og verja meistaratitlana sína.

Hópurinn byrjaði að myndast árið 2011 þegar Þór Daníel og Viktor Orri æfðu saman nokkrum sinnum í viku. En síðan fór hópurinn að bæta við sig þegar próferssor Erlingur Jóhannsson tók við sem þjálfari millivegahlaupara Ármanns haustið 2013 sem er einnig þekktur sem Íslandsmethafi í 800 metrum. Þar bættist Ernir Jónsson í hóp Ármanns, en fékk einnig Kristinn Þór Kristinnsson þann heiður að fá að æfa með hópnum, sem er þrefaldur Íslandsmeistari í 800-metrum.

Allt gekk eins og í sögu og bættu allir sig gríðalega á innanhústímabilinu undir stjórn Erlings. En ekki leið á löngu fyrr en fleiri fóru að myndast í hópinn, Patrekur Gísli fór að sýna sig á æfingum og stendur sig nú eins og hetja. Byrjunin var að vissu mjög erfið fyrir hann en sem betur fer hleypur hann ennþá á æfingu. Bjarni Ármann var síðan næsti meðlimur og kom hann gríðalega sterkur inn. Fyrsta stelpan byrjaði að æfa með okkur á svipuðum tíma, Ástrós Eir að nafni og gaf hún mikinn kraft í hópinn.

Sumarið 2014 fóru Viktor Orri og Ernir Jónsson til Azerbaijan og kepptu á Ólympíuleikum æskunar, sem var fyrir unglinga undir 18 ára aldri. Þrátt fyrir engar bætingar vegna mikils hita var þetta góð reynsla fyrir þá. 

Seinna um sumarið fóru þeir með Þór Daníel og Patrek til Svíþjóðar og kepptu á Gautaborgaleikunum. Þar var mikil stemming, þar sem allir bættu sinn tíma og var ferðin til sóma í alla staði.

Því miður hætti Ástrós Eir síðan, en vonandi tímabundið, og var erfitt að komast af æfingu án hennar stuðnings. En kom annar einstaklingur til sögunar. Trausti Þór Þorsteinsson byrjaði í október í fyrra og hefur tekið andlit af fólki síðan. Trausti hefur verið á rosalegri siglingu frá því hann byrjaði og er hann ekki langt frá Íslandsmeti í 800-metrum innanhús.

Um páskana ákvað hópurinn að skella sér í æfingaferð til Spánar eða til Chiclana de la Frontera, en fóru fjórir meðlimir Ármanns í ferðina en hinir þrír sátu eftir á klakanum. Þessir fjórir meðlimir deildu ferðinni með fimm öðrum einstaklingum úr UFA frá Akureyri. Þar var æft af mikilli ákefð og voru æfingar oft tvisvar á dag. Það var góð aðstaða fyrir hópinn og ekki var veðrið að skemma fyrir þau. Hlupið var á ströndinni nánast á hverjum degi en einnig var frábær völlur með lyftingaraðstöðu ekki svo langt frá sem hópurinn notfærði sérmikið.

Sumarbústaðarferð er næst á dagskrá hjá okkur og verður vonandi haldið til Skorradal að þessu sinni.

Það vill svo skemmtilega til að hópurinn tekur mjög vel á móti duglegu íþróttafólki. Það þarfnast ekki mikla reynslu frá hlaupum heldur er nauðsynlegt að hafa dugnað og jákvætt viðhorf þar sem að rosalegur agi er í hópnum. Þvert á móti er þetta ótrúlega gaman og mjög lærdómsríkt með frábæru fólki. Aldur skiptir engu máli, en hópurinn er þó yngst fæddur 98 og elst fæddur 89, karlkyns eða kvenkyns, skiptir engu máli, við viljum fá þig sem fyrst!

Hafðu samband ef þú hefur áhuga – thordanielholm@gmail.com eða hafa samband við stjórn Ármanns.

 

gallery

Viktor Orri og Ernir í góðum hópi í Baku

Nú um helgina fer fram í Baku í Azerbajan forkeppni Evrópu fyrir Ólympíumót ungmenna. Ármenningarnir Viktor Orri Pétursson og Ernir Jónsson eru í glæsilegum hópi ungmenna frá Íslandi sem keppa á mótinu.

Að neðan má sjá allan hópinn, Viktor Orri þriðji frá vinstri og Ernir honum við hlið, fjórði frá vinstri.

Baku

Mynd Þórunnar Erlingsdóttur.

Piltarnir hafa lokið keppni. Ernir hljóp á 2:00,45. Það er bæting á hans besta árangri utanhúss, en aðeins frá hans besta árangri innanhúss. Viktor Orri hljóp á 2:01,16, sem er nokkuð frá hans besta. Sjá úrslit úr hlaupinu hér.

Heildar úrslit má sjá á vefnum hér.

 

 

Viktor Orri Pétursson setur Íslandsmet í 1500m hlaupi 17 ára og yngri

Í kvöld lauk Reykjavíkurmeistaramóti í frjálsum í Laugardalshöll. Eitt aldursflokkamet var sett á mótinu. Það setti Ármenningurinn Viktor Orri Pétursson þegar hann hljóp 1500m á 4:09,40s. Bætti hann með þessu Íslandsmet í flokki 17 ára og yngri um rúma sekúndu. Viktor Orri naut stuðnings æfingafélaga síns Ernis Jónssonar í hlaupinu, en hann hjálpaði Viktori að halda uppi hraða og ,,héraði". Þetta var djörf tilraun því fyrir hlaupið hafði Viktor Orri hlaupið vegalengdina best á 4:28,22s.

Þeir félagar hafa tekið feikn miklum framförum í vetur undir stjórn nýs þjálfara. Sá heitir Erlingur Jóhannsson og er Íslandsmethafi í 800 metra hlaupi.

Eftir síðustu helgi sitja þeir nú í öðru og fjórða sæti afrekaskrár í 800m hlaupi innanhúss, eins og sjá má hér.

Skemmtilegt er að skoða framfarir Viktors Orra undanfarið ár í 800m hlaupi og sérstaklega undanfarna mánuði.

1:57,45

8. Bikarkeppni FRÍ innanhúss

Reykjavík

15.02.2014

1:59,22

Meistaramót Íslands

Reykjavík

02.02.2014

2:00,32

Reykjavík International Games

Reykjavík

19.01.2014

2:01,43

Meistaramót Íslands 15-22 ára

Reykjavík

11.01.2014

2:01,93

Silfurleikar ÍR

Reykjavík

16.11.2013

2:05,95

Stórmót ÍR

Reykjavík

26.01.2013

Viktor Orri Pétursson, nýr Íslandsmethafi í 1500m hlaupi pilta innanhúss. Mynd: Gunnlaugur Júlíusson

Mynd: Viktor Orri Pétursson, nú Íslandsmethafi í 1500m hlaupi 17 ára og yngri

Spennandi frjálsíþróttakeppni RIG á sunnudag

Reykjavík International Games fer fram næstu tvær helgar í borginni. Frjálsíþróttahluti leikanna fer fram á sunnudaginn kemur milli klukkan 13 og 15.

Keppendalisti liggur nú fyrir og má sjá keppendur í karlaflokki hér og í kvennaflokki hér og tímaseðill hér.

Eins og sjá má eru Ármenningar fjölmennir í karlaflokki, alls munu sjö. Þeir eru:

Björn Margeirsson, Ernir Jónsson og Viktor Orri Pétursson í 800m hlaupi. Kristófer Þorgrímsson og Haraldur Einarsson í 60m hlaupi. Bjarni Malmquist Jónsson í 60m grindahlaupi og þjálfarinn Guðmundur Hólmar Jónsson í kúluvarpi.

Því miður er engin Ármannskona með þetta árið, vonandi þeim mun fleiri að ári.

Þetta er mót sem enginn áhugamanneskja um frjálsar ætti að láta framhjá sér fara!

Ernir og Guðmundur Karl með Ármannsmet á Áramóti Fjölnis

Nokkrir vaskir piltar sem æfa með Ármanni kepptu á Áramóti Fjölnis í dag. Ernir Jónsson náði að bæta Ármannsmet Viktors Orra Péturssonar í 400m hlaupi 16-17 ára, með Viktor Orra á hælum sér. Mettími Ernis var 53,94s og tími Viktors Orra 54,06s. Fyrra met var 55,62s, svo heilmikil bæting hjá báðum.

Æfingafélagi þeirra Þór Daníel hljóp greitt í 800m hlaupi, en steig á línu og var dæmdur úr leik.

Í 200m hlaupinu voru tveir úr meistaraflokki félagsins á palli. Það voru þeir Haraldur Einarsson, HSK, með silfurverðlaun og Kristófer Þorgrímsson með brons. Haraldur hljóp á sínum besta tíma 22,90s (átti fyrir 22,92s). Kristófer stórbætti sinn besta tíma, um tvær sekúndur, hljóp nú á 23,25s en átti áður 25,25s frá árinu 2010. Þá sigraði Haraldur í 60m hlaupi á 7,22s.

Síðast en ekki síst náði Guðmundur Karl Úlfarsson að bæta eigin met í 200m hlaupi. Hann hljóp á 24,98s og náði þar með lágmarki fyrir Úrvalshóp FRÍ í greininni.

Heildar úrslit mótsins má sjá hér. Frekari samantekt má sjá á vef FRÍ hér.

Verðlaunahafar í 200m hlaupi á Áramóti Fjölnis

Viktor Orri valinn úr hópi efnilegra Ármenninga

Glímufélagið Ármann verðlaunaði í gær unga og efnilega íþróttamenn sérstaklega. Viðurkenningar fengu þeir sem útnefndir höfðu verið efnilegastir í sinni deild. Erfitt verk hafði dómnefnd með höndum, að velja á milli ólíkra einstaklinga úr ólíkum íþróttum.

Efnilegustu íþróttamenn hverrar deildar eða þeirra fulltrúar. Þór Daníel Hólm, þriðji frá vinstri, tók við verðlaunum f.h. Viktors Orra æfingafélaga síns.

Sá sem varð fyrir valinu heitir Viktor Orri Pétursson, upprennandi millivegalengdarhlaupari úr frjálsíþróttadeild. Viktor Orri er Seltirningur, fæddur 1997. Hann hefur æft handknattleik og knattspyrnu með Gróttu, en einbeitir sér nú að millivegalengdarhlaupum. Eins og kom fram hér á síðunni náði Viktor Orri nú undir lok árs lágmarki fyrir Úrvalshóp FRÍ. Viktor Orri æfir undir stjórn Dr. Erlings Jóhannssonar Íslandsmethafa í 800m hlaupi. Framfarir hans á önninni undir stjórn Erlings hafa verið miklar.

Árangur Viktors Orra í keppni árið 2013

  • 1. sæti á MÍ 15-22ja ára í 800m og 1500m hlaupum
  • 1. sæti í 10km í Ármannshlaupinu.
  • Reykjavíkurmeistari í sínum aldursflokki á besta tíma ársins.
  • 4. sæti í 10.000,- metra hlaupi á braut í flokki fullorðinna.
  • Reykjavíkurmaraþon, 2. sæti í sínum aldursflokki.
  • Reykjavíkurmeistari í 400m hlaupi á 55,62s
  • Sigurvegari á Silfurleikum ÍR í 800m hlaupi.
  • Reykjavíkurmeistari í 1500m hlaupi í sínum aldursflokki.
  • Sigurvegari í Hjartadagshlaupinu 5km.

Staða Viktors Orra á afrekaskrá FRÍ, í sínum aldursflokki

  • 800m hlaup, 1. sæti í sínum aldursflokki.
  • 1500m hlaup, 1. sæti í sínum aldursflokki.
  • 3000m hlaup, 1. sæti í sínum aldursflokki.

armannfrjalsar á Instagram

This error message is only visible to WordPress admins

Error: No connected account.

Please go to the Instagram Feed settings page to connect an account.

Aðventumót Ármanns