Helgi Sveins og Patrekur mættir til Ítalíu

Ármenningarnir Helgi Sveins og Patrekur Andrés Axelsson eru staddir þessa stundina á Ítalíu, ásamt fleirum úr afrekshópi ÍF, þar sem þeir munu keppa á opna ítalska meistaramótinu í Grosseto á laugardag og sunnudag.

Farið var sl sunnudag og hafa undanfarnir dagar farið í að æfa og aðlaga sig að aðstæðum fyrir komandi keppni sem hefst núna um helgina.

Heims- og evrópumeistarinn, Helgi Sveins, mætir til leiks á sunnudaginn og hefur keppni í spjótkasti í flokki F42.

Patrekur fer í formlega flokkun sjónskertra í T12 og keppir í fyrsta skipti erlendis. Hann mun keppa í 100 og 200m hlaupi.

Hulda Sigurjónsdóttir sem æfir hjá Ármanni undir stjórn Paul Cota mun einnig keppa á mótinu þar sem hún keppir í kúlu og kringlu.

Yfirþjálfari Ármanns sem og landsliðsþjálfari ÍF Kári Jónsson er aðsjálfsögðu með í för og lætur okkur vita af gangi mál.

Fréttir af gangi mála munu birtast hérna á heimasíðunni.

Óskum við þeim öllum góðs gengis.

 

 

 

Millivegalengdarhlauparar Ármanns

Fólk út á götu vilja meina að þessi hópur sé sá hættulegasti á brautinni. Sjö svellkaldir 200-,400-,800- og 1500-metra hlauparar sem leggja allt á sig til þess að setja ný Íslandsmet og verja meistaratitlana sína.

Hópurinn byrjaði að myndast árið 2011 þegar Þór Daníel og Viktor Orri æfðu saman nokkrum sinnum í viku. En síðan fór hópurinn að bæta við sig þegar próferssor Erlingur Jóhannsson tók við sem þjálfari millivegahlaupara Ármanns haustið 2013 sem er einnig þekktur sem Íslandsmethafi í 800 metrum. Þar bættist Ernir Jónsson í hóp Ármanns, en fékk einnig Kristinn Þór Kristinnsson þann heiður að fá að æfa með hópnum, sem er þrefaldur Íslandsmeistari í 800-metrum.

Allt gekk eins og í sögu og bættu allir sig gríðalega á innanhústímabilinu undir stjórn Erlings. En ekki leið á löngu fyrr en fleiri fóru að myndast í hópinn, Patrekur Gísli fór að sýna sig á æfingum og stendur sig nú eins og hetja. Byrjunin var að vissu mjög erfið fyrir hann en sem betur fer hleypur hann ennþá á æfingu. Bjarni Ármann var síðan næsti meðlimur og kom hann gríðalega sterkur inn. Fyrsta stelpan byrjaði að æfa með okkur á svipuðum tíma, Ástrós Eir að nafni og gaf hún mikinn kraft í hópinn.

Sumarið 2014 fóru Viktor Orri og Ernir Jónsson til Azerbaijan og kepptu á Ólympíuleikum æskunar, sem var fyrir unglinga undir 18 ára aldri. Þrátt fyrir engar bætingar vegna mikils hita var þetta góð reynsla fyrir þá. 

Seinna um sumarið fóru þeir með Þór Daníel og Patrek til Svíþjóðar og kepptu á Gautaborgaleikunum. Þar var mikil stemming, þar sem allir bættu sinn tíma og var ferðin til sóma í alla staði.

Því miður hætti Ástrós Eir síðan, en vonandi tímabundið, og var erfitt að komast af æfingu án hennar stuðnings. En kom annar einstaklingur til sögunar. Trausti Þór Þorsteinsson byrjaði í október í fyrra og hefur tekið andlit af fólki síðan. Trausti hefur verið á rosalegri siglingu frá því hann byrjaði og er hann ekki langt frá Íslandsmeti í 800-metrum innanhús.

Um páskana ákvað hópurinn að skella sér í æfingaferð til Spánar eða til Chiclana de la Frontera, en fóru fjórir meðlimir Ármanns í ferðina en hinir þrír sátu eftir á klakanum. Þessir fjórir meðlimir deildu ferðinni með fimm öðrum einstaklingum úr UFA frá Akureyri. Þar var æft af mikilli ákefð og voru æfingar oft tvisvar á dag. Það var góð aðstaða fyrir hópinn og ekki var veðrið að skemma fyrir þau. Hlupið var á ströndinni nánast á hverjum degi en einnig var frábær völlur með lyftingaraðstöðu ekki svo langt frá sem hópurinn notfærði sérmikið.

Sumarbústaðarferð er næst á dagskrá hjá okkur og verður vonandi haldið til Skorradal að þessu sinni.

Það vill svo skemmtilega til að hópurinn tekur mjög vel á móti duglegu íþróttafólki. Það þarfnast ekki mikla reynslu frá hlaupum heldur er nauðsynlegt að hafa dugnað og jákvætt viðhorf þar sem að rosalegur agi er í hópnum. Þvert á móti er þetta ótrúlega gaman og mjög lærdómsríkt með frábæru fólki. Aldur skiptir engu máli, en hópurinn er þó yngst fæddur 98 og elst fæddur 89, karlkyns eða kvenkyns, skiptir engu máli, við viljum fá þig sem fyrst!

Hafðu samband ef þú hefur áhuga – thordanielholm@gmail.com eða hafa samband við stjórn Ármanns.

 

gallery

Ari Bragi fremstur meðal jafningja á JJ-mótinu

Ármenningar hafa nú tekið saman stigatölur í einstaklingsgreinum á JJ-móti Ármanns sem fram fór 20. maí síðastliðinn. Flestum stigum í karlaflokki náði Ari Bragi Kárason fyrir afrek sitt í 100m hlaupi eða 895 stig. Tíu bestu afrek mótsins má sjá að neðan. Lesa má um afrek í kvennaflokki hér.

Grein Árangur IAAF stig Nafn keppanda Félag
100M 10,97 895 Ari Bragi Kárason FH
100M 11,05 871 Juan Ramon Borges Bosque FH
100M 11,07 866 Kolbeinn Höður Gunnarsson UFA
100M 11,11 854 Ívar Kristinn Jasonarson ÍR
100M 11,11 854 Tristan Freyr Jónsson ÍR
SPJÓT 61,06 827 Dagbjartur Daði Jónsson ÍR
1500M 4:03,07 819 Sæmundur Ólafsson ÍR
1500M 4:04,00 808 Arnar Pétursson ÍR
800M 1:58,41 801 Snorri Sigurðsson ÍR
400M 51,12 794 Kormákur Ari Hafliðason FH

Þórdís Eva stigahæsta konan á JJ-móti Ármanns

Ármenningar héldu JJ-mót sitt á Laugardalsvelli þann 20. maí. Heildar úrslit má sjá hér. Ágætis árangur náðist á mótinu. Eftir að hafa rýnt í stigafjölda íþróttamanna í einstaklingsgreinum liggur fyrir að unglingurinn Þórdís Eva Steinsdóttir vann besta afrek mótsins í kvennaflokki, eða 995 stig. Að neðan má sjá tíu stigahæstu konur á mótinu. Lesa má um afrek í karlaflokki hér.

Grein Árangur IAAF stig Nafn keppanda Félag
400M 55,49 995 Þórdís Eva Steinsdóttir FH
400M 55,99 977 Arna Stefanía Guðmundsdóttir FH
100M 12,12 968 Hrafnhild Eir R Hermóðsdóttir ÍR
100M 12,63 870 Arna Stefanía Guðmundsdóttir FH
400M 61,77 779 María Birkisdóttir ÍR
LANGST 5,00 774 Diljá Mikaelsdóttir Ármann
400M 62,01 771 Fjóla Signý Hannesdóttir HSK
STÖNG 3,40 771 Hilda Steinunn Egilsdóttir FH
100M 13,31 749 Guðbjörg Bjarkadóttir FH
STÖNG 3,30 741 Auður María Óskarsdóttir ÍR

 

 

Líflegt í Laugardalnum á Ólympíudögum

Það hefurverið mikið líf í Laugardalnum í vikunni. Þar hafa ekki bara farið íþróttamenn og sjálfboðaliðar Smáþjóðaleikanna. ÍSÍ hefur samhliða leikunum haldið Ólympíudaga í dalnum. Fjöldi nemenda úr skólum víðs vegar að hafa fengið kynningu á nokkrum íþróttagreinum.

Frjálsum hafa verið gerð mjög góð skil. Má það þakka sérstaklega Ármanns þjálfurunum Stefáni Guðjónssyni og Rut Sigurjónsdóttur sem ásamt sjálfboðaliðum ÍSÍ hafa boðið upp á vel heppnaða og vinsæla kynningu á Kastvellinum í Laugardal.

IMAG2428

Að ofan: Stefán Guðjónsson og Rut Sigurjónsdóttir ásamt sjálfboðaliðum ÍSÍ

 

IMAG2440

Alda Særós og fleiri nemendur Laugalækjarskóla munda spjótin

IMAG2445

Nemendur Laugalækjarskóla að ofan og neðan. Á neðri myndinni ásamt Rut Sigurjónsdóttur.IMAG2451

Ásdís með silfur í kringlunni

Kringlukast kvenna á Smáþjóðaleikunum var nú að ljúka rétt í þessu. Ásdis sem er betur þekkt fyrir afrek sín í spjótkasti var mætt til leiks í kringluna í dag og endaði í 2. sæti með kasti uppá 42,13m. Androniki Lada frá Kýpur sigraði með kasti uppá 53,73m.

Niðurstaða því gull og silfur hjá Ásdísi á Smáþjóðaleikunum. Glæsilegur árangur það og óskum við henni til hamingju með árangurinn!

Ásdís keppir á demantamótinu í Osló

Ásdís mun taka þátt í demantamóti í Osló í næstu viku eftir að hafa þegið boð frá Alþjóðafrjálsíþróttasambandinu nú á dögunum.

Spennandi verður að fylgjast með gangi mála þar sem Ásdís er í toppformi þessa dagana en eins og flestir vita þá náði hún lágmarki inná HM og Ólympíuleikana nú um daginn og sömuleiðis sigur á Smáþjóðaleikunum í gær.

Að sögn Ásdísar mun svo stífur undirbúningur hefjast að loknu demantamótinu í Osló fyrir HM í sumar.

Óskum við Ásdísi góðs gengis á demantamótinu.

Góðir dagar festir á filmu af Gunnlaugi

Mikill fjöldi fólks leggur á sig mikið sjálfboðastarf í tengslum við Smáþjóðaleikana í Laugardalnum þessa vikuna. Einn af fjölmörgum er Gunnlaugur Júlíusson ofurhlaupari með meiru. Gunnlaugur á heiður að langflestum myndum á myndasíðu frjálsíþróttadeildar Ármanns.

Í gær stóð Gunnlaugur vaktina sem fyrr. Myndir hans frá fyrsta degi mótsins má nú sjá í myndaalbúmi hér.

Nokkrar úrvalsmyndir má sjá einnig hér að neðan.18213225078_29ee4023b7_k 18213365248_0ae0be8528_k 18213452580_448198b37a_k 17780546603_d011e07483_h 18374697876_aebed1b1fa_k 17778446704_2658562a8f_h

 

Mundi með góðan fyrri keppnisdag á MÍ í fjölþrautum

Nú um helgina fer fram MÍ í fjölþrautum í Kaplakrika. Guðmundur Karl Úlfarsson, oft kallaður Mundi, er mættur til leiks fyrir hönd okkar Ármenninga.

Þrátt fyrir mikinn vind og loftkulda gekk Munda mjög vel í sínum greinum á fyrri kepnnisdegi sem fram fór í dag.

Þess má geta að þá bætti Mundi sig í langstökki með stökki uppá 6,44m og varð í 1. sæti. 

Annars er Mundi í 2. sæti eftir fyrri keppnisdag, í flokki 16-17 ára, með 3114 stig.

Frábær byrjun hjá Munda og óhætt að segja að hann sé koma sterkur til leiks í byrjun keppnistímabils.

Önnur úrslit greina Munda má sjá hér:  http://mot.fri.is/cgi-bin/ibmot/urslitib2457D1.htm

Fréttir um gengi Munda á seinni degi koma á morgunn.

armannfrjalsar á Instagram

Aðventumót Ármanns