Frjálsíþróttadeild Ármanns opnar hér með síðuna frjalsar.is. Hér er ætlunin að birta fréttir, myndir, myndbönd og fleira af frjálsum. Ármenningar verða hér í aðalhlutverki þó fleiri komi fyrir.
Mögulegt er að gerast áskrifandi að færslum síðunnar með t.d. RSS streymi, hér.
Freyr formaður leit við á æfingu í dag með myndavélina. Myndirnar má sjá hér að neðan. Eins og sjá var líflegt eins og oftast er á þriðjudögum og fimmtudögum. 3. og 4. bekkjar, 5. – 7. bekkjar og 8. bekkjar og eldri krökkum bregður fyrir.
[AFG_gallery id=’2′]
Viktor Orri Pétursson og Ernir Jónsson kampakátir á æfingu í dag.
Viktor Orri Pétursson og Ernir Jónsson reimuðu á sig gaddaskóna um helgina fyrir 800m hlaup á Silfurleikum ÍR. Það var vel þessi virði því þeir bættu sig báðir mikið. Viktor Orri sigraði í flokki 16-17 ára á tímanum 2:01,93. Viktor bætti með þessu eigin Ármannsmet. Ernir varð annar á 2:03,68. Sjá úrslit hlaupsins hér.
Tíminn er fínn á miðju uppbyggingartímabili hjá strákunum. Þeir æfa nú ásamt Þór Daníel Hólm undir stjórn Erlings Jóhanssonar. Upphaf samstarfsins lofar góðu.
Með hlaupi sínu náðu báðir lágmarki inn í Úrvalshóp FRÍ. En lágmarkið er 2:05,0 fyrir þeirra árgang, 1997.
Tími Viktors Orra er sá sjöundi besti frá upphafi samkvæmt afrekaskrá. Hann nær að lauma sér inn á milli bræðranna Sveins og Björns Margeirssona. Þó er rétt að taka fram að þeir bræður unnu sín afrek á krappri 100m braut.
Það var margt í boði hjá Hlaupahópi Ármanns í dag laugardag.
Heiðmörk kl 9
Laugardalslaug kl 9
Laugardalshöll kl. 10 – nýliðar.
Öskjuhlíð kl. 13
Veðrið frábært og vonandi stemmningin eftir því.
Á dögunum fór fram Haustmót Ármanns. Gunnlaugur Júlíusson mætti með myndavélina. Útkomuna má sjá í myndasafni hér að neðan. Úrslit í einstaka greinum má sjá í mótaforriti á vefnum hér.
[AFG_gallery id=’1′]
Meistaraflokkur Ármanns er búinn að æfa vel það sem af er hausti. Andinn er einstaklega góður jafnt á æfingum sem og utan þeirra. Af og til eru myndavélar iðkenda meðferðis og þá nást oftar en ekki glæsilegir taktar á „filmu“. Sjá þetta og endilega fylgist með því sem bætist þarna við í framtíðinni.
Vígalegur hópur á lyftingaæfingu:
Æfingahópurinn er afskaplega duglegur að hittast á milli æfinga og borða saman góðan mat. Hér hópurinn að borða rammíslenskan mat heima hjá Helgu Margéti. Slátur, grjónagrautur, flatkökur með hangikjöti og margt fleira.
Velkomin á nýja heimasíðu frjálsíþróttadeildar Ármanns. Síðan er enn í vinnslu og við leyfum ykkur ágætu lesendur að fylgjast með framganginum.
Hér munu birtast reglulegar fréttir og myndir af starfi frjálsíþróttardeildarinnar. Eins og sjá má tilheyrir breiður hópur frjálsíþróttadeildinni. Af því erum við stolt. Hjá okkur geta jafnt 6 ára og 60 ára eflt sig og reynt á sig.
Við vonum svo sannarlega að þessi síða eigi eftir að koma að góðum notum og að stuðningsmenn Ármanns og fleiri geti enn fremur fylgst með okkar fólki og okkar starfi.
