Fjölskylduhlaup Ármanns og grænmetisbænda 2015

Það verður grænt og skemmtilegt hjá okkur á laugardaginn, 9. maí. Ármann heldur hlaupahátíð í Laugardal. Hátíðin hefst klukkan 10:00 þegar Fjölskylduhlaup Ármanns og grænmetisbænda verður ræst við Þvottalaugarnar.

 

Hlaupið er víðavangshlaup þar sem börn og fullorðnir hlaupa saman einn um 1,5km hring um gras og stíga Laugardalsins. Allir hlauparar fá grænmeti að launum frá grænmetisbændum og pylsur frá SS. Vinsamlegast skráið ykkur í hlaupið hér, ótrúlegt en satt þá kostar ekkert að taka þátt: http://tinyurl.com/skramig  

 

Myndir frá hlaupinu í fyrra má sjá hér.

 

Á sama stað hefst klukkan 11:00 Meistaramót Íslands í víðavangshlaupi á skemmtilegri braut í Laugardalnum. Skráning og frekari upplýsingar má sjá hér.

 

 

 

Metaregn á Aðventumóti Ármanns

Aðventumót Ármanns var haldið í dag í Laugardalshöll. Mótið má segja að marki upphaf keppnistímabils í frjálsum. Mótið var sannkallað bætingamót. Fjögur aldursflokkamet voru sett á mótinu. Það voru eftirfarandi: 
 
  • Birna Kristín Kristjánsdóttir Ármanni hljóp 60 metra á 8,25s sem er met í flokki 12 ára stúlkna., gamla metið var: 8,30s.
  • Styrmir Dan Hansen Steinunnarson Þór, Þorlákshöfn stökk 1,93m í hástökk pilta 15 ára. Gamla metið var 1,91m.
  • Daði Arnarson Fjölni hljóp 800m á 2:03,43 og bætti met í flokki 15 ára piltar úr 2:04,36.
  • Sæmundur Ólafsson ÍR hljóp 1500m 3:56,42 og bætti metið í flokki 18-19 ára sem var 3:58,37 í eigu Kára Steins Karlssonar. Skemmtilegt er að segja frá því að Kári Steinn aðstoðaði Sæmund við að bæta met sitt í hlaupinu í dag. Kári Steinn hélt uppi hraða eða ,,héraði" fyrir Sæmund og átti þannig þátt í að metið féll.
IMG_1184
Að ofan má sjá Styrmi Dan Steinunnarson kampakátan með verðlaun sín í dag.
Myndband af metstökki Styrmis má sjá hér.
 
Á mótinu náðu þrír keppendur yfir 900 IAAF stig. Það voru þá Hrafnhild Eir Hermannsdóttir ÍR og Linda Valbjörnsdóttir UMSS, báðar í 60m hlaupi kvenna og Krister Blær Jónsson í stangarstökki.
 
Fjöldi keppenda var 181. Alls voru 406 árangurslínur skráðar (1 lína = eitt afrek í stökki, kasti eða hlaupi) . Af þessum 406 árangurslínum voru 156 bætingar eða persónuleg met. Það er keppendur bættu sig í rúmleg 38% tilvika! Verður það að teljast einstaklega gott.
 

 

 

 

Heildarúslit mótsins má sjá á þessari heimasíðu Ármenninga hér og myndir má finna á myndasíð okkar Ármenninga hér.

 
Ármenningar þakka sérstaklega stuðnings og styrktaraðilum sínum sem gáfu fyrrgreindu afreksfólki verðlaun. Það voru: 
 
Valitor, MS, Kex Hostel, Sukho Thai, Myllan, Sölufélag Garðyrkjubænda, Alterna og Sigurður Páll Sveinbjörnsson nuddari. Ómetanlegt er fyrir félagið að njóta stuðning sem þessa.
Deildin þakkar sjálfboðaliðum fyrir ómetanlegt starf. Að síðustu verður að nefna sérstaklega einn þeirra þ.e. Friðrik Þór Óskarsson sem stóð í ströngu í dag. En Friðrik hefur forritað nýtt skráningar og úrslitakerfi fyrir frjálsar sem var notað á mótinu í dag.
 
 

Aðventumót Ármanns

Frjálsíþróttadeild Ármanns kynnir Aðventumót Ármanns.  

Segja má að mótið marki upphaf keppnistímabilsins í frjálsum, en mótið fer fram nk. Laugardag 13. Desember og fer það fram í Laugadalshöll.

Fyrstu greinar hefjast kl 9:40 og áætluð mótslok eru kl. 15:00 en tímaseðil má sjá hér

Mótið er nú haldið í þriðja sinn. Í fyrra mættu um 170 keppendur en í ár er búist við um 200 keppendum.

Frjálsíþróttadeildin lofar flottri umgjörð og glæsilegum verðlaunum/vinningum.  Sérstök verðlaun verða fyrir aldursflokkamet og má gera ráð fyrir að met falli enda langt liðið á árið.

Taka skal fram að veitingasala verður á staðnum.

Hvetjum við fólk til að fjölmenna í höllina og eiga með okkur glaðan dag.

Félagið þakkar eftirtöldum aðilum veittan stuðning:

Valitor, MS, Kex Hostel, Sukho Thai, Myllan, Sölufélag Garðyrkjubænda, Alterna og Sigurður Páll Sveinbjörnsson nuddari

Bronsleikar ÍR um helgina

Fyrsti viðburður haustannarinnar er framundan en Bronsleikar ÍR fara fram í fimmta sinn á laugardaginn. Á mótinu er annarsvegar í boði þrautabraut fyrir 8. ára og yngri og hins vegar fyrir 9.-10 ára. Allir fá verkefni við hæfi á mótinu, aðal málið er að taka þátt og hafa gaman af, í lok móts fá allir verðlaunapening að launum fyrir þátttökuna. Eins og undanfarin ár taka Ármenningar þátt og stefnir í góða þátttöku. Þjálfarar Ármanns láta foreldra í sínum flokkum vita um hvernig fyrirkomulag skráningar er hjá okkur. Góða skemmtun! Nánari upplýsingar

Foreldrafundir yngri flokka

Á fimmtudaginn (11. september) verða haldnir foreldrafundir hjá yngri flokkum Ármanns. Fundirnir verða haldnir í sal nr. 3 í Frjálsíþróttahöllinni í Laugardal. Á fundunum kynna þjálfarar fyrirkomulag æfinga, starfið á haustönninni og helstu viðburði. Á meðan á foreldrafundunum stendur verða iðkendur virkir inni í sal undir leiðsögn þjálfara. Tímasetningar eru sem hér segir:

1.-2. bekkur kl. 16.15
3.-4. bekkur kl. 17.00

5.-6. bekkur kl. 17.30
7.-10. bekkur kl. 18.00

Frjálsar á fullt

Vetrarstarfið í frjálsum barna og unglinga hefst með opnu húsi í frjálsíþróttahöllinni á laugardag milli klukkan 11 og 13. 

Æfingar yngri flokka hefjast samkvæmt þessari stundaskrá eftir helgi. Bendum sérstaklega á að æfingar fyrir 1. og 2. bekk eru tengdar frístundastrætó sem hefur akstur eftir helgi.

Skráning er hafin á http://armenningar.felog.is

Hlökkum til að sjá ykkur í frjálsíþróttahöllinni.

Reykjavíkurmót 11 ára og eldri

Þessa vikuna fer fram á Laugardalsvelli Reykjavíkurmót 11-14 ára og 15 ára og eldri. Í kvöld hófst keppni í þónokkrum greinum og hópur Ármenninga tók þátt. Ármenningar stóðu sig með sóma, mótvindur var í spretthlaupunum og miklar sveiflur í vindstyrk í langstökkinu. Heildarúrslit dagsins má finna hér og tímaseðil fyrir keppni næstu daga. Á morgun miðvikudag verður keppni með svipuðu sniði, á fimmtudaginn eru eingöngu 15 ára og eldri að keppa.Á myndinni sem fylgir má sjá Ármannskeppendur í 11-12 ára flokki sem allir komust á pall í dag.

armannfrjalsar á Instagram

Aðventumót Ármanns